每次我去各大書店巡視業務嘅時候，心情都非常忐忑。
通常每一間書店我都會逗留5分鐘左右，先係搵到《XX》嘅所在地，之後一路喺佢附近扮睇其他書，一路監察吓啲人有冇拎起佢、欣賞佢、撫摸佢。每次有人拎起《XX》我都會好似中咗六合彩咁開心，同時喺心入面祝呢位咁識貨嘅讀者萬事如意心想事成；每次有人經過時忽略《XX》而拎起貽興王本書，我就會因為嬲豬而喺心入面叫佢一聲豬妹。
最令我忐忑嘅係，雖然《XX》係三聯暢銷榜首誠品暢銷第二，但我從未親眼見過人買《XX》，搞到我每次都懷住非常頹廢的心情離開書店。
後來我想了兩個方法安慰自己：
1）想一想，當全港有100間書店，每間每日營業8小時，如果我逗留書店短短5分鐘就有1個人買《XX》，咁《XX》每日咪賣出9,600本，每月咪賣出288,000本？這是不可能的，你估《人性的弱點》咩。
2）我見蔡瀾咁好賣，於是於這5分鐘同時監察蔡瀾的銷情，發現都係一本都冇賣過，心情頓時舒暢返晒。攬住一齊滯銷，正。
Search